ಓಂ ನಮೋ ಭಗವತೇ ವಾಸುದೇವಾಯ

ಗೋವಿಂದಂ ಗೋಕುಲಾನಂದಂ ಗೋಪಾಲಂ ಗೋಪಿವಲ್ಲಭಮ್| ಗೋವರ್ಧನೋದ್ಧರಂ ಧೀರಂ ತಂ ವಂದೇ ಗೋಮತಿಪ್ರಿಯಮ್| ಓಂ ನಮೋ ಭಗವತೇ ವಾಸುದೇವಾಯ||೧||

ನಾರಾಯಣಂ ನಿರಾಕಾರಂ ನರವೀರಂ ನರೋತ್ತಮಮ್| ನೃಸಿಂಹಂ ನಾಗನಾಥಂ ಚ ತಂ ವಂದೇ ನರಕಾಂತಕಮ್| ಓಂ ನಮೋ ಭಗವತೇ ವಾಸುದೇವಾಯ||೨||

ಪೀತಾಂಬರಂ ಪದ್ಮನಾಭಂ ಪದ್ಮಾಕ್ಷಂ ಪುರುಷೋತ್ತಮಮ್| ಪವಿತ್ರಂ ಪರಮಾನಂದಂ ತಂ ವಂದೇ ಪರಮೇಶ್ವರಮ್| ಓಂ ನಮೋ ಭಗವತೇ ವಾಸುದೇವಾಯ||೩||

ರಾಘವಂ ರಾಮಚಂದ್ರಂ ಚ ರಾವಣಾರಿಂ ರಮಾಪತಿಮ್| ರಾಜೀವಲೋಚನಂ ರಾಮಂ ತಂ ವಂದೇ ರಘುನಂದನಮ್| ಓಂ ನಮೋ ಭಗವತೇ ವಾಸುದೇವಾಯ||೪||

ವಾಮನಂ ವಿಶ್ವರೂಪಂ ಚ ವಾಸುದೇವಂ ಚ ವಿಠ್ಠಲಮ್| ವಿಶ್ವೇಶ್ವರಂ ವಿಭುಂ ವ್ಯಾಸಂ ತಂ ವಂದೇ ವೇದವಲ್ಲಭಮ್| ಓಂ ನಮೋ ಭಗವತೇ ವಾಸುದೇವಾಯ||೪||

ದಾಮೋದರಂ ದಿವ್ಯಸಿಂಹಂ ದಯಾಲುಂ ದೀನನಾಯಕಮ್| ದೈತ್ಯಾರಿಂ ದೇವದೇವೇಶಂ ತಂ ವಂದೇ ದೇವಕೀಸುತಮ್| ಓಂ ನಮೋ ಭಗವತೇ ವಾಸುದೇವಾಯ||೫||

ಮುರಾರಿಂ ಮಾಧವಂ ಮಧ್ಯಂ ಮುಕುಂದಂ ಮುಷ್ಟಿಮರ್ದನಮ್| ಮುಂಜಕೇಶಂ ಮಹಾಬಾಹುಂ ತಂ ವಂದೇ ಮಧುಸೂದನಮ್| ಓಂ ನಮೋ ಭಗವತೇ ವಾಸುದೇವಾಯ||೬||

ಕೇಶವಂ ಕಮಲಾಕಾಂತಂ ಕಾಮೇಶಂ ಕೌಸ್ತುಭಪ್ರಿಯಮ್| ಕೌಮೋದಕೀಧರಂ ಕೃಷ್ಣಂ ತಂ ವಂದೇ ಕೌರವಾಂತಕಮ್| ಓಂ ನಮೋ ಭಗವತೇ ವಾಸುದೇವಾಯ||೭||

ಭೂಧರಂ ಭುವನಾನಂದಂ ಭೂತೇಶಂ ಭೂತನಾಯಕಮ್| ಭಾವನೈಕಂ ಭುಜಂಗೇಶಂ ತಂ ವಂದೇ ಭವನಾಶನಮ್| ಓಂ ನಮೋ ಭಗವತೇ ವಾಸುದೇವಾಯ||೮||

ಜನಾರ್ದನಂ ಜಗನ್ನಾಥಂ ಜಗದ್ಯಜ್ಞಂ ವಿನಾಶಕಮ್| ಜಾಮದಗ್ನ್ಯವರಂ ಜ್ಯೋತಿಂ ತಂ ವಂದೇ ಜಲಶಾಯಿನಮ್| ಓಂ ನಮೋ ಭಗವತೇ ವಾಸುದೇವಾಯ||೯||

ಚತುರ್ಭುಜಂ ಚಿದಾನಂದಂ ಚಾಣೂರಮಲ್ಲ ಮರ್ದನಮ್| ಚರಾಚರಗತಂ ದೇವಂ ತಂ ವಂದೇ ಚಕ್ರಪಾಣಿನಮ್| ಓಂ ನಮೋ ಭಗವತೇ ವಾಸುದೇವಾಯ||೧೦||

ಶ್ರಿಯಃಕರಂ ಶಿಲೋನಾಥಂ ಶ್ರೀಧರಂ ಶ್ರೀವರಪ್ರದಮ್| ಶ್ರೀವತ್ಸಲಧರಂ ಸೌಮ್ಯಂ ತಂ ವಂದೇ ಶ್ರೀಸುರೇಶ್ವರಮ್| ಓಂ ನಮೋ ಭಗವತೇ ವಾಸುದೇವಾಯ||೧೧||

ಯೋಗೀಶ್ವರಂ ಯಜ್ಞಪತಿಂ ಯಶೋದಾನಂದದಾಯಕಮ್| ಯಮುನಾಜಲಕಲ್ಲೋಲಂ ತಂ ವಂದೇ ಯದುನಾಯಕಮ್| ಓಂ ನಮೋ ಭಗವತೇ ವಾಸುದೇವಾಯ||೧೨||

ಸಾಲಿಗ್ರಾಮಂ ಶಿಲಾಶುದ್ಧಂ ಶಂಖಚಕ್ರೋಪಶೋಭಿತಮ್| ಸುರಾಸುರಸದಾಸೇವ್ಯಂ ತಂ ವಂದೇ ಸಾಧುವಲ್ಲಭಮ್| ಓಂ ನಮೋ ಭಗವತೇ ವಾಸುದೇವಾಯ||೧೩||

ತ್ರಿವಿಕ್ರಮಂ ತಪೋಮೂರ್ತಿಂ ತ್ರಿವಿಧಾಭೋಗನಾಶನಮ್| ತ್ರಿಸ್ಥಲಂ ತೀರ್ಥರಾಜೇಂದ್ರಂ ತಂ ವಂದೇ ತುಲಸೀಪ್ರಿಯಮ್| ಓಂ ನಮೋ ಭಗವತೇ ವಾಸುದೇವಾಯ||೧೪||

ಅನಂತಂ ಆದಿಪುರುಷಂ ಅಚ್ಯುತಂ ಚ ವರಪ್ರದಮ್| ಆನಂದಂ ಚ ಸದಾನಂದಂ ತಂ ವಂದೇ ಅಘನಾಶನಮ್| ಓಂ ನಮೋ ಭಗವತೇ ವಾಸುದೇವಾಯ||೧೫||

ನೀಲಯಾಕೃತ ಭೂಧಾರಂ ಲೋಕಸತ್ವೈಕ ವಂದಿತಂ| ಲೋಕೇಶ್ವರಂ ಚ ಶ್ರೀಕಾಂತಂ ತಂ ವಂದೇ ಲಕ್ಷ್ಮಣಪ್ರಿಯಂ| ಓಂ ನಮೋ ಭಗವತೇ ವಾಸುದೇವಾಯ||೧೬||

ಹರಿಂ ಚ ಹರಿಣಾಕ್ಷಂ ಚ ಹರಿನಾಥಂ ಹರಿಪ್ರಿಯಮ್| ಹಲಾಯುಧ ಸಹಾಯಂ ಚ ತಂ ವಂದೇ ಹನುಮತ್ಪತಿಮ್| ಓಂ ನಮೋ ಭಗವತೇ ವಾಸುದೇವಾಯ||೧೭||